ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանը մասնակցել է ՄԱԿ-ի «Մարդկային անվտանգության բարելավումը Հայաստանի համայնքներում» ծրագրի ամփոփիչ քննարկմանը և եզրափակիչ նիստին:
Քննարկմանը ներկա են եղել ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը, Արտակարգ իրավիճակների նախարարի տեղակալ Դավիթ Համբարյանը, Էկոնոմիկայի նախարարի տեղակալ Արման Խոջոյանը, ՏԿԵՆ միգրացիոն ծառայության պետ Արմեն Ղազարյանը, ՄԱԿ-ի մանկական հիմնադրամի ներկայացուցիչ Սիլվիա Մեստրոնին, ՄԱԿ-ի պարենի համաշխարհային ծրագրի հայաստանյան գրասենյակի տնօրեն Նանա Սկաուին և ծրագրում ներառված ՄԱԿ-ի գործակալությունների այլ ներկայացուցիչներ: Հանդիպման առցանց միացել էր ՄԱԶԾ-ի մշտական ներկայացուցչի տեղակալ Կոնստանտին Սոկուլսկին:
ԿԳՄՍ նախարարի տեղակալ Արթուր Մարտիրոսյանն ընդգծել է, որ ՄԱԿ-ի աջակցությամբ իրականացվող այս ծրագրի շնորհիվ, մասնավորապես՝ ՄԱԿ-ի մանկական հիմնադրամի կողմից իրականացվել են կարևոր քայլեր: Փոխնախարարն առանձնացրել է մի շարք դպրոցների համար աղետների դիմակայման պլանների մշակումը, արտակարգ իրավիճակներում գործելու և աղետների դիմակայմանն ուղղված երիտասարդների կարողությունների զարգացումը, ինչպես նաև նախադպրոցական ցանցի ընդլայնման աշխատանքները։
ԿԳՄՍ նախարարի տեղակալ Արթուր Մարտիրոսյանը նաև շնորհակալություն է հայտնել ներկաներին սերտ համագործակցության համար` նշելով, որ ՄԱԿ-ի կառույցների հետ համատեղ ծրագրերի իրականացումը բարենպաստ միջավայր է ապահովում կրթության զարգացմանը և կրթության բովանդակության բարելավման համար:
«Մարդկային անվտանգության բարելավումը Հայաստանի համայնքներում» ծրագրի կազմակերպիչներն իրենց հերթին կարևորել են ՀՀ կրթության, գիտության, մշակույթի և սպորտի նախարարության հետ շարունակական համագործակցությունը` շեշտելով կրթության բաղադրիչի գերակայությունը Կայուն զարգացման գլոբալ օրակարգի և Հայաստանի Հանրապետությունում համայնքային խոշորացման բարեփոխումների արդյունավետ իրականացման համատեքստում:
ՀՀ կառավարության հետ համագործակցությամբ իրականացվող ծրագիրը ֆինանսավորվում է ՄԱԿ-ի մարդկային անվտանգության հիմնադրամի միջոցներով, ՄԱԿ-ի 6 գործակալությունների, մասնավորապես` Զարգացման ծրագրի, Մանկական հիմնադրամի, Արդյունաբերական զարգացման, Պարենի համաշխարհային ծրագրի, Պարենի և գյուղատնտեսության, Միգրացիայի միջազգային կազմակերպությունների կողմից:
Եզրափակիչ նիստում ներկայացվել են ծրագրի արդյունքները, որոնք հիմնականում ուղղված են մարդկային անվտանգության մակարդակի բարելավմանը, մասնավորապես՝ համայնքային դիմակայունությանը, սոցիալական պաշտպանությանը, տնտեսական և պարենային անվտանգության ուժեղացմանը, ապրուստի և կայուն աշխատանքային հնարավորությունների և կարողությունների զարգացմանը:
Ծրագրի կառավարման խորհրդում ներգրավված են ՀՀ կրթության, գիտության, մշակույթի և սպորտի, Տարածքային կառավարման և ենթակառուցվածքների, Էկոնոմիկայի, Արտակարգ իրավիճակների, Աշխատանքի և սոցիալական հարցերի նախարարությունների ներկայացուցիչները և ծրագիրն իրականացնող ՄԱԿ-ի գործակալությունների ղեկավարները:
Ծրագրի հիմնական նպատակն է աջակցել ՄԱԿ-ի կայուն զարգացման նպատակների իրականացմանը՝ անդրադառնալով մարդկային անապահովության հիմնարար պատճառներին Լոռի, Շիրակ և Տավուշ մարզերի խոշորացված Ամասիա, Ալավերդի, Բերդ և Թումանյան համայնքների խոցելի բնակչության համար:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…
Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…
Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)
Հարգելի ուսուցիչներ, «Պարզաբանումներ» թեմայում Ֆորումի ադմինիստրատորները՝ Մարի Գասպարյանը (https://forum.armedu.am/member/9113-%D5%B4%D5%A1%D6%80%D5%AB-%D5%A3%D5%A1%D5%BD%D5%BA%D5%A1%D6%80%D5%B5%D5%A1%D5%B6) և Արփինե Քիրիշյանը (https://forum.armedu.am/member/14139-arpi-kirishyan), կպատասխանեն ձեզ հետաքրքրող հարցերին:
Նոր նյութի ներկայացում Նոր նյութի բացատրության ժամանակ պետք է հաշվի առնել այն հանգամանքը, որ աշակերտը միանգամից չի կարող շատ բան սովորել: Ըստ գիտական հետազոտությունների` Նոր նյութի հաղորդման ժամանակ կարևոր է…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ
