Բաց դաս Կապանի հ.2 ավագ դպրոցում

Փետրվարի 23, 2017

Դպրոցական անցուդարձ

  Դասի նպատակը թեմային բնորոշ հասկացություններին տիրապետելն է, աշխարհագրական թաղանթի հատկանիշների ուսումնասիրումը:

  Դասարանը բաժանված էր խմբերի: Յուրաքանչյուր խումբ ներկայացնում էր որևէ երկրաբանական դարաշրջան քարոլորտում, ջրոլորտում, մթնոլորտում և կենսոլորտում ընթացող երևույթներով: Խմբերը տևական են ու տարակազմ, յուրաքանչյուրում ընդգծված են փորձագետ-մասնագետներ աշխարհագրությունից, երկրաբանությունից, բուսաբանությունից և կենդանաբանությունից:

   Դասի խնդիրը երևույթների զարգացման ընթացքի, խմբային աշխատանքում անհատական գործելակերպի զուգորդման կարողությունների, միջառարկայական կապերի և մասնագիտական կողմնորոշման զարգացումն է: Որպես աշխատանքի ձև էր ընտրվել ռեֆերատների, տեսասահիկների, պաստառների և էլեկտրոնային ցուցադրումների կազմումն ու ներկայացումը:

   Կշռադատման փուլում կատարվեց թեստային առաջադրանքի փոխադարձ հարցում և ինքնագանահատում, իսկ միավորային գնահատումը կատարվեց հետազոտական աշխատանքի և թեստային առաջադրանքի էլեկտրոնային ստուգմամբ:

   Դասը եզրափակվեց «Աշխարհագրական թաղանթի զարգացումը մեկուկես րոպեի ընթացքում» տեսաֆիլմի դիտմամբ: