ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ կրթության, գիտության, մշակույթի և սպորտի նախարար Վահրամ Դումանյանն այսօր ընդունել է ՀՀ-ում Ֆրանսիայի Հանրապետության արտակարգ և լիազոր դեսպան Անն Լույոյին:
Հանդիպմանը ներկա են եղել նաև նախարարի տեղակալներ Արթուր Մարտիրոսյանը և Կարեն Թռչունյանը, ինչպես նաև Հայաստանում ֆրանսիական համալսարանի նորանշանակ ռեկտոր Սալվա Նակկոզին:
Նախարարը շնորհավորել է Հայաստանում ֆրանսիական համալսարանի ռեկտորին՝ վստահություն հայտնելով, որ նրա պաշտոնավարման օրոք առավել կբարելավվի բուհական միջավայրը, և կբարձրանա կրթության որակը: Նա վստահեցրել է՝ Ֆրանսիական համալսարանը ՀՀ-ում ունի բարձր վարկանիշ՝ ուրախությամբ փաստելով, որ բուհի շուրջ քննարկումներն ընթանում են բացառապես զարգացման նոր ուղղությունների և համալսարանի գործունեության համար առավել նպաստավոր պայմանների ստեղծման շուրջ:
Դեսպան Անն Լույոն ներկայացրել է ռեկտոր Սալվա Նակկոզիին՝ ընդգծելով, որ նա անցել է մասնագիտական հարուստ ճանապարհ: Սալվա Նակկոզին 6 տարի եղել է Պուատիեի (Ֆրանսիա) համալսարանի միջազգային կապերի գծով պրոռեկտոր, իսկ 4 տարի ղեկավարել է Ֆրանկոֆոնիայի համալսարանական գործակալության Միջին Արևելքի գրասենյակը: Նա աշխատել է նաև համագործակցության և մշակութային հարցերով խորհրդական ու համագործակցության հարցերով կցորդ՝ համապատասխանաբար Իրաքում և Հորդանանում Ֆրանսիայի դեսպանատներում:
Ռեկտորը, շնորհակալություն հայտնելով վստահության համար, նշել է՝ հաշվի առնելով այլ երկրների նմանատիպ բուհերում իր փորձառությունը՝ կարող է փաստել, որ Հայաստանում ֆրանսիական համալսարանը հաջողված լավագույն օրինակն է: Սալվա Նակկոզին ընդգծել է, որ բուհի ամենամեծ հաջողությունն այն է, որ համալսարանի շրջանավարտները մնում են աշխատելու Հայաստանում, իսկ ուսանողների 50 տոկոսը մինչև մագիստրատուրան արդեն աշխատանք է գտնում իր մասնագիտությամբ: Նա նաև տեղեկացրել է, որ ՀՀ մի շարք այլ բուհերի հետ այսօր տրվել է գիտահետազոտական նոր նախագծի մեկնարկը՝ ինֆորմատիկայի և արհեստական բանականության ուղղություններով: Ռեկտորը հույս է հայտնել, որ պաշտոնավարման ընթացքում իր ներդրումը կունենա ՀՀ բարձրագույն կրթության ոլորտի զարգացման գործում:
Որպես հայ-ֆրանսիական համագործակցության հաջողված օրինակ՝ կողմերը մատնանշել են նաև Տավուշի Պատրիկ Տէվէճեան տարածաշրջանային քոլեջում ֆրանսիական մոդելի տեղայնացման փորձը, որին օրերս ականատես են եղել՝ այցելելով այդ հաստատություն:
Հանդիպմանը քննարկվել են նաև ՀՀ հանրակրթական ուսումնական հաստատություններում ֆրանսերենի ուսուցման խորացմանը վերաբերող և երկուստեք հետաքրքրություն ներկայացնող այլ հարցեր:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…
Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…
Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)
Հարգելի ուսուցիչներ, «Պարզաբանումներ» թեմայում Ֆորումի ադմինիստրատորները՝ Մարի Գասպարյանը (https://forum.armedu.am/member/9113-%D5%B4%D5%A1%D6%80%D5%AB-%D5%A3%D5%A1%D5%BD%D5%BA%D5%A1%D6%80%D5%B5%D5%A1%D5%B6) և Արփինե Քիրիշյանը (https://forum.armedu.am/member/14139-arpi-kirishyan), կպատասխանեն ձեզ հետաքրքրող հարցերին:
Նոր նյութի ներկայացում Նոր նյութի բացատրության ժամանակ պետք է հաշվի առնել այն հանգամանքը, որ աշակերտը միանգամից չի կարող շատ բան սովորել: Ըստ գիտական հետազոտությունների` Նոր նյութի հաղորդման ժամանակ կարևոր է…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ
