ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ կրթության, գիտության, մշակույթի և սպորտի նախարարի տեղակալ Կարեն Թռչունյանն աշխատանքային հանդիպում է ունեցել Բոլոնիայի գործընթացի հետամուտ և աշխատանքային խմբերի անդամների հետ՝ քննարկելու Բարձրագույն կրթության որակավորումների ազգային շրջանակի ինքնահավաստագրման գործընթացի մեկնարկի գործողությունները:
Հանդիպմանը մասնակցել են Բարձրագույն և հետբուհական մասնագիտական կրթության վարչության պետ Լուսինե Գրիգորյանը, Ծրագրերի իրականացման և գնահատման բաժնի պետ Սյուզաննա Ղազարյանը, Բոլոնիայի գործընթացի հետամուտ խմբի անդամ Էլինա Ասրիյանը, Եվրոպական բարձրագույն կրթական տարածքի որակի ապահովման չափանիշների և ուղենիշների համապատասխան որակի ապահովման աշխատանքային խմբի անդամ Վարդուհի Գյուլազյանն ու Եվրոպական բարձրագույն կրթական տարածքի որակավորումների շրջանակին համադրելի եռաստիճան համակարգի խմբի անդամ Անի Մկրտչյանը:
ՀՀ-ն անդամակցելով Բոլոնիայի գործընթացին՝ պարտավորություն է հանձն առել իրականացնել բարձրագույն կրթության որակավորումների ազգային շրջանակի ինքնահավաստագրում Եվրոպական բարձրագույն կրթական տարածքի որակավորումների շրջանակի նկատմամբ։ Բոլոնիայի գործընթացի հետամուտ աշխատանքային խմբի ՀՀ ներկայացուցիչներն իրականացրել են ինքնահավաստագրման գործընթացի պլանավորում, քննարկել են գործընթացի չափանիշներն ու ընթացակարգերը և համաձայնության եկել աշխատանքային և հավաստող խմբեր ձևավորելու հարցում: Աշխատանքային հանդիպման ընթացքում հստակեցվել է նաև գործողությունների իրականացման և հաշվետվողականության ժամանակացույցը։
Ինքնահավաստագրման գործընթացը նպատակաուղղված է ՀՀ բարձրագույն կրթության որակավորումների փոխճանաչմանը, որակավորումների արժանահավատ շնորհմանը և Եվրոպական բարձրագույն կրթության որակավորումների համադրելիության ապահովմանը։
«Արդեն իսկ մշակված է հստակ գործիքակազմ՝ բարձրագույն կրթության ոլորտի բարեփոխումները խթանելու և Հայաստանում եվրոպական փորձը ներդնելու նպատակով։ Այս ամենի պատշաճ իրականացումը մեծ պատասխանատվություն և բարեփոխումների գործընթացում ներգրավված անդամների համատեղ աշխատանք է պահանջում: Բոլորիս համատեղ աշխատանքով միայն մենք կարող ենք միջազգային գործընթացներում Հայաստանը հավուր պատշաճի ներկայացնել»,- աշխատանքային հանդիպման ընթացքում նշել է նախարարի տեղակալ Կարեն Թռչունյանը:
Նշենք նաև, որ հոկտեմբերի 20-21-ը Լատվիայի մայրաքաղաք Ռիգայում տեղի է ունեցել Եվրոպական բարձրագույն կրթական տարածքի որակավորումների շրջանակին համադրելի եռաստիճան համակարգ աշխատանքային խմբի հանդիպումը՝ «Միկրոորակավորումների դերը որակավորումների ազգային շրջանակներում» թեմայով, որի արդյունքում ՀՀ ներկայացուցիչ Անի Մկրտչյանն ընտրվել է «Միկրոորակավորումներ աշխատանքային խմբի» («Working group on Microcredentials») համանախագահող
Հանդիպման ընթացքում անդրադարձ է կատարվել ՀՀ-ում միկրոորակավորումներին առնչվող օրենսդրական հենքի ապահովմանը, ինչպես նաև վերջինիս սահմանման, ճանաչման, շնորհման և որակի ապահովման հիմնահարցերին։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…
Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…
Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)
Հարգելի ուսուցիչներ, «Պարզաբանումներ» թեմայում Ֆորումի ադմինիստրատորները՝ Մարի Գասպարյանը (https://forum.armedu.am/member/9113-%D5%B4%D5%A1%D6%80%D5%AB-%D5%A3%D5%A1%D5%BD%D5%BA%D5%A1%D6%80%D5%B5%D5%A1%D5%B6) և Արփինե Քիրիշյանը (https://forum.armedu.am/member/14139-arpi-kirishyan), կպատասխանեն ձեզ հետաքրքրող հարցերին:
Նոր նյութի ներկայացում Նոր նյութի բացատրության ժամանակ պետք է հաշվի առնել այն հանգամանքը, որ աշակերտը միանգամից չի կարող շատ բան սովորել: Ըստ գիտական հետազոտությունների` Նոր նյութի հաղորդման ժամանակ կարևոր է…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ
