Դաս բնության գրկում՝ «Ծածկասերմ բույսերը» թեմայով

Նոյեմբերի 30, 2022

Դպրոցական անցուդարձ

Արմավիրի մարզի Արմավիր քաղաքի Մովսես Սիլիկյանի անվան թիվ 6 հիմնական դպրոցում անցկացվեց կենսաբանության բաց դաս բնության գրկում՝ «Ծածկասերմ բույսերը» թեմայով։

Դասի Նպատակն էր փնտևել և գտնել տվյալ բնական համակեցության մեջ հանդիպող ծաղկավոր բույսերի տերևներ, ցույց տալ դրանց բազմազանությունը, ճանաչել տարբեր դասերին պատկանող բույսերի տերևները, նշել դրանց առանձնահատկությունները։

Դասի նպատակն էր նաև նպաստել սովորողների գեղագիտական և էկոլոգիական դաստիարակությանը։

7ա և 7բ դասարանների աշակերտները փնտրեցին և գտան տարբեր ծաղկավոր բույսերի տերևներ, որոշեցին թե որ ընտանիքին են պատկանում և բացատրեցին դրանց կառուցվածքը։

Աշակերտները նաև իրենց հավաքած տերևներով պատրաստեցին պաստառներ և սխեմաների միջոցով ներկայացրին իրենց գիտելիքները։

Արդյունքում աշակերտները ձեռք բերեցին գործնական կարողություններ՝ ճանաչելու և դասակարգելու բույսերի տեսակները։

Դասը վարեց կենսաբանության ուսուցչուհի Թեհմինե Ենգիբարյանը։

Արմավիր քաղաքի Մովսես Սիլիկյանի անվան թիվ 6 հիմնական դպրոց