ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Դաս-միջոցառում` նվիրված Տիգրան Չուխաջյանի 180-ամյակին

Մարտի 13, 2017
Դպրոցական անցուդարձ

Մայիսի 11-ը Տիգրան Չուխաջյանի ծննդյան օրն է: Մ.Գալշոյանի անվան հ.148 ավագ դպրոցի պատմության ուսուցչուհի Կ.Մովսիսյանը XII դասարանի աշակերտների հետ կազմակերպել էր ուսանելի մի դաս` նվիրված հրաշալի կոմպոզիտորին, հայ երաժշտական թատրոնի հիմնադրին:

Աշակերտները պատմեցին Տ. Չուխաջյանի կյանքն ու ստեղծագործությունը` խորությամբ մեկնաբանելով նրա գլուխգործոցները, այնուհետև ունկնդրեցին հատվածներ օպերաներից և օպերետներից, հետաքրքրությամբ լուծեցին երաժշտական խաչբառեր:

Աշակերտները խնամքով պատրաստել էին և ներկայացրին թեմատիկ տեսանյութ, որը պատմում էր կոմպոզիտորի կյանքի և գործունեության մասին:

Դասի վերջում աշակերտները հնչեցրին «Զեյթունցիների քայլերգը», որով էլ ավարտվեց ճանաչողական ևս մեկ դաս: Այն ուսանելի էր և ամրապնդեց միջառարկայական կապը ուսումնական գործընթացում:

Ուսուցչուհի՝ Կ.Մովսիսյան