ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
Դեռ դպրոցական տարիներից շատ աշակերտների «Մաթեմատիկա» առարկան թվում է դժվարամարս ու բարդ:
Այս բարդույթը հաղթահարելու և առարկան ավելի մատչելի ներկայացնելու նպատակով Կապանի հ.13 հիմնական դպրոցի մաթեմատիկայի ուսուցչուհի Ռիմա Մկրտչյանը հաճախ է մաթեմատիկայի դասն անցկացնում գործարար խաղերի, ինտերակտիվ և ժամանակակից մեթոդների կիրառությամբ:
«Ճանաչենք մեծ մաթեմատիկոսներին» խորագրով ինտերակտիվ դասը սկսվեց հայ մաթեմատիկոսների մասին տեղեկություններով: Աշակերտները ներկայացրին հետաքրքիր նյութեր, վիճակագրական թվեր, գուշակի՛ր, թե կարող ես և արագ լուծվող խնդիրներ: Զուգահեռ ընթերցվեցին աֆորիզմներ` նվիրված «Մաթեմատիկա» առարկային:
Ուսուցիչների կողմից ստուգվեցին աշակերտների մաթեմատիկական գիտելիքները և տրամաբանական կարողությունները: Ինտելեկտուալ հարցերն անչափ հետաքրքրում էին ինչպես մասնակիցներին, այնպես էլ լսարանին: Սխալ պատասխանի դեպքում ճիշտ տարբերակները նշվում էին էկրանին:
Միջոցառման վերջում բնագիտական մ/մ նախագահ Աստղիկ Համբարձումյանը շնորհակալություն հայտնեց գեղեցիկ մտահղացման, մատուցված հետաքրքրաշարժ նյութերի, աշակերտներին փոխանցված գիտելիքների և վառ տպավորությունների համար:
Աշակերտների ոգևորությունը ևս վկայում էր՝ ուրախ դասեր կարող են լինել նաև «Մաթեմատիկա» առարկայի շրջանակում:
ՄԿԱ գծով փոխտնօրեն Ժաննա Վարդանյան
