ՀՀ կառավարության որոշմամբ ԿԳՄՍ նախարարությանը 2023 թվականի պետական բյուջեով հատկացված միջոցներից կատարվել է վերաբաշխում՝ 224 մլն 100 հազար դրամ գումարի չափով: Գումարը կուղղվի ՀՀ Վայոց ձորի և Տավուշի մարզերում 23 ուսումնական հաստատության՝ 9 կրթահամալիրի ստեղծման և 14 դպրոցի կառուցման, ինչպես նաև Սյունիքի մարզի քաղաքային բնակավայրերում դպրոցների կառուցման համար անհրաժեշտ նախագծանախահաշվային փաստաթղթերի ձեռքբերմանը։
Հարցը զեկուցել է ՀՀ կրթության, գիտության, մշակույթի և սպորտի նախարար Ժաննա Անդրեասյանը՝ նշելով, որ սա հերթական որոշումն է՝ ՀՀ կառավարության 2021-2026թթ.-ի ծրագրով ամրագրված 500 մանկապարտեզի և 300 դպրոցի կառուցման, վերակառուցման, հիմնանորոգման ծրագրի շրջանակում: Նրա խոսքով՝ ՀՀ Վայոց ձորի, Տավուշի և Սյունիքի մարզերում աշխատանքային խմբերն իրականացրել են մանրամասն տեղազննություն: Հաշվի առնելով մի շարք գործոններ՝ դպրոցական և նախադպրոցական շենքերի առկայություն, սովորողների քանակ և այլն, ընտրվել են մի շարք բնակավայրեր, որտեղ կձևավորվեն կրթահամալիրներ: ՀՀ Վայոց Ձորի մարզում ընտրվել է 4 բնակավայր՝ Արտաբույնք, Քարագլուխ, Արփի, Մարտիրոս, իսկ Տավուշի մարզում՝ 5՝ Լուսաձոր, Պտղավան, Աղավնավանք, Նորաշեն, Ոսկևան:
Ըստ նախարարի՝ մարզեր կատարած այցերի և իրականացրած ուսումնասիրությունների արդյունքում որոշվել է այն բնակավայրերի համար, որոնց դպրոցների աշակերտական համակազմը մեծ է, կառուցել դպրոցների նոր շենքեր (Վայոց Ձորի մարզում՝ 2 բնակավայր, իսկ Տավուշի մարզում՝ 8 բնակավայր): Այդ դպրոցներն են. Վայոց ձորում՝ Վայքի ավագ դպրոց (կկառուցվի միջնակարգ դպրոց) և Արենիի միջնակարգ դպրոցը, Տավուշում՝ Այրումի Հ.Մալինյանի անվան միջնակարգ դպրոց, Կոթիի միջնակարգ դպրոց, Բագրատաշենի Մ․ Մագուլյանի անվան թիվ 1 միջնակարգ դպրոց, Արծվաբերդի թիվ 1 միջնակարգ դպրոց, Այգեձորի միջնակարգ դպրոց, Նոյեմբերյանի թիվ 1 ավագ դպրոց (կկառուցվի միջնակարգ դպրոց), Կողբի Ջ.Կարախանյանի անվ. թիվ 1 միջնակարգ դպրոց, Սևքարի միջնակարգ դպրոց:
Սյունիքի մարզի քաղաքային բնակավայրերի դպրոցներից նոր շենքերի կառուցման համար ընտրվել է 4 դպրոց՝ Կապանի թիվ 1 հիմնական դպրոցը, Կապանի թիվ 6 հիմնական դպրոցը, Գորիսի Ս. Խանզադյանի անվան թիվ 6 հիմնական դպրոցը և Սիսիանի թիվ 2 հիմնական դպրոցը:
Նախարարը հիշեցրել է, որ ՀՀ Սյունիքի մարզի գյուղական բնակավայրերում 40 կրթահամալիրների ստեղծման համար անհրաժեշտ նախագծանախահաշվային փաստաթղթերի մշակման և փորձաքննության ծառայությունների ձեռքբերման նպատակով 414 մլն դրամ հատկացվել էր ՀՀ կառավարության առանձին որոշմամբ:
Ժաննա Անդրեասյանի փոխանցմամբ՝ խնայելով ժամանակային և ֆինանսական ռեսուրսները՝ որոշվել է փաստաթղթերը ձեռք կբերել առկա նախագծերի տեղակապման միջոցով (բացառությամբ մեկ դպրոցի, որի համար անհրաժեշտ է անհատական նախագիծ)։
«Վերջին երեք ամիսների ընթացքում մենք նմանատիպ երեք որոշում ենք կայացրել 107 հաստատության համար, որոնցից 60-ը կրթահամալիր, 47-ը՝ առանձին դպրոց: Մասնավորապես նախատեսում ենք՝ Սյունիքում՝ 40 կրթահամալիր, Արմավիրում՝ 4 կրթահամալիր, 8 դպրոց, Արագածոտնում՝ 7 կրթահամալիր, 8 դպրոց, Գեղարքունիքում՝ 9 կրթահամալիր, 6 դպրոց, Արարատում՝ 3 կրթահամալիր, 9 դպրոց, Կոտայքում՝ 1 կրթահամալիր, 12 դպրոց: Այս որոշմամբ այդ հաստատությունների թիվը կդառնա 130՝ 40 հազար աշակերտի համար: Առաջիկայում կներկայացնենք նմանատիպ որոշման նախագծեր Լոռու և Շիրակի մարզերի, ինչպես նաև Երևանի համար՝ ծածկելով ողջ հանրապետությունը»,-նշել է նախարարը:
ՀՀ վարչապետ Նիկոլ Փաշինյանը կարևորել է կրթահամալիրների ստեղծման ծրագիրը՝ ընդգծելով, որ այն բաղկացած է լինելու միջնակարգ դպրոցից և մանկապարտեզից, որոնցից կարող են օգտվել նաև հարակից բնակավայրերի երեխաները: Այդ համատեքստում վարչապետը կարևորել է տվյալ բնակավայրում դեպի կրթահամալիր տանող ճանապարհների կառուցման և բարեկարգման, երեխաներին տեղափոխող չօգտագործված տրանսպորտային միջոցների և վերապատրաստված վարորդների ապահովման, մարզական ենթակառուցվածքների, ինչպես նաև առողջապահական ամբուլատոր ծառայությունների և լայնաշերտ ինտերնետի հասանելիության հարցերը:
Ծավալվել է քննարկում, որի ընթացքում փոխվարչապետ Տիգրան Խաչատրյանը և այլ գերատեսչությունների ղեկավարներ ներկայացրել են իրենց դիտարկումները ծրագրի վերաբերյալ:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…
Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…
Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)
Հարգելի ուսուցիչներ, «Պարզաբանումներ» թեմայում Ֆորումի ադմինիստրատորները՝ Մարի Գասպարյանը (https://forum.armedu.am/member/9113-%D5%B4%D5%A1%D6%80%D5%AB-%D5%A3%D5%A1%D5%BD%D5%BA%D5%A1%D6%80%D5%B5%D5%A1%D5%B6) և Արփինե Քիրիշյանը (https://forum.armedu.am/member/14139-arpi-kirishyan), կպատասխանեն ձեզ հետաքրքրող հարցերին:
Նոր նյութի ներկայացում Նոր նյութի բացատրության ժամանակ պետք է հաշվի առնել այն հանգամանքը, որ աշակերտը միանգամից չի կարող շատ բան սովորել: Ըստ գիտական հետազոտությունների` Նոր նյութի հաղորդման ժամանակ կարևոր է…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ