ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
Կարմիրգյուղի հ.1 միջնակարգ դպրոցում շատ է կարևորվում ռազմահայրենասիրական դաստիարակությունը: Դպրոցի վաստակաշատ մանկավարժ Նորիկ Գափոյանի հեղինակած «Զոհրապ» պիեսը՝ նվիրված Արցախյան պատերազմին մասնակցած մեր համագյուղացիներին և նրանց ցուցաբերած սխրագործություններին, նույնպես ոգեկոչման աղբյուր և հայրենասիրության դաս է հաջորդ սերունդների համար: Պիեսը վերնագրված է մեր համագյուղացի Զոհրապ Շհոյանի անունով, ով անձնուրացաբար մարտնչեց Արցախյան պատերազմում և զոհաբերեց իր մատաղ կյանքը՝ մեզ թողնելով իր կորստի ցավը, բայց նաև իրենով հպարտանալու պատգամը:
Հայոց լեզվի և գրականության ուսուցչուհի Լիլիթ Մելքոնյանը բարձր դասարանի աշակերտների հետ բեմադրեց պիեսը և ներկայացրեց հանդիսատեսի դատին: Նրանք արել էին ամեն ինչ՝ կերպարները ճիշտ կերտելու և դերերը ճիշտ մատուցելու համար: Պետք է խոստովանել, որ դա նրանց հաջողվել էր. դրա առհավատչյան չդադարող ծափերն ու հուզախառն արձագանքներն էին: Լեփ-լեցուն դահլիճը՝ ուսուցիչներ, ծնողներ, աշակերտներ, քառօրյա պատերազմի մասնակիցներ, Զոհրապ Շհոյանի հարազատներ, համակ ուշադրությամբ հետևում էր դերակատար-աշակերտների խաղին: Վերջում իրենց տպավորություններն արտահայտեցին դպրոցի փոխտնօրեն Շ. Մարդոյանը, համայնքապետարանի մշակույթի բաժնի վարիչ Օ. Գևորգյանը, ուսուցիչներ, ծնողներ: Երախտագիտության խոսքով հանդես եկավ նաև Զոհրապի քույրը՝ Սիլվա Շհոյանը: Գնահատանքի խոսքեր հնչեցին նաև Նորիկ Գափոյանի մասին՝ իր կատարած մնայուն գործի համար:
Գավառի տարածաշրջանի ԵԿՄ-ի նախագահ Ա. Գասպարյանի կողմից քառօրյա պատերազմի մասնակիցները պարգևատրվեցին ԵԿՄ-ի պատվոգրով: Դահլիճից բոլորը հեռացան հպարտության և հայրենասիրության զգացումներով տոգորված:
«Պաշարների շտեմարան» նոր կայքում, որի գործարկման մեկնարկը https://lib.armedu.am/ հասցեում տրվեց 2022 թվականին, տեղադրվել է արդեն 18 000-ից ավելի կրթական էլեկտրոնային պաշար: Կայքում բացվել է Կրթական տեխնոլոգիաներ բաժին, որտեղ տեղադրված են…
Ուսուցչի օրվա առթիվ մի խումբ մանկավարժներ և ոլորտի ներկայացուցիչներ պարգևատրվել են ԿԳՄՍ նախարարի կողմից ՀՀ կրթության, գիտության, մշակույթի և սպորտի նախարարությունը Ուսուցչի միջազգային օրվա առթիվ պարգևատրել է ոլորտի մի խումբ…
Ողջույն, հայգելի գործընկերներ: Օրեր առաջ սոցիալական մեդիահարթակներում մի փոքրիկ հարցում անցկացրեցինք պարզելու համար՝ հասարակությանը առավել հետաքրքրող թեմաները: Հարցումների արդյունքում ընտրվեց այսօրվա մեր քննարկվելիք թեման՝ ինչո՞ւ է երեխան դպրոցից գնում կրկնուսույցի…
<<Կրթությունը պատմելը և պատմություններ լսելը չէ․ այն ակտիվ և կառուցողական գործընթաց է>> Ջոն Դյուի Նախագծերի մեթոդը (Project methods (http://education.stateuniversity.com/pages/2337/Project-Method.html)) ուսուցման համակարգ է, որի ընթացքում սովորողները գիտելիքներ, կարողություններ, հմտություններ են ձեռք…
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ
