ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Փոփոխություն դպրոցի վարչատնտեսական մասի համակարգողի նշանակման կարգում

Օգոստոսի 11, 2023
Պաշտոնական

Կառավարության այսօրվա նիստում հաստատվել է 2023 թվականի մարտի 2-ի «Պետական հանրակրթական ուսումնական հաստատության վարչատնտեսական մասի համակարգողի նշանակման կարգը հաստատելու մասին» N 259-Ն որոշման փոփոխությունը:

Լրամշակումները կատարվել են՝ հաշվի առնելով գործընթացի կազմակերպման ընթացքում ի հայտ եկած խնդիրներն ու բացերը, ինչպես նաև որոշ ժամկետների հստակեցման անհրաժեշտությունը:

Ըստ ներկայացված հիմնավորման՝ կատարված փոփոխություններով հստակեցվել է, մասնավորապես՝ ինչ ընթացակարգով է որոշվելու, թե ով է հավակնորդների ներկայացրած փաստաթղթերի համապատասխանությունը ստուգելու:

Հստակեցվել է նաև լիազորված մարմնի ղեկավարի և հավակնորդի հանդիպման, պայմանագրի կնքման ժամկետների, ինչպես նաև հավակնորդ չլինելու կամ որևէ հավակնորդի հետ պայմանագիր չկնքելու դեպքում նոր հայտարարություն հրապարակելու կարգավորումը:

Հավակնորդների փաստաթղթերի ուսումնասիրության համար լիազոր մարմնի ղեկավարը կսահմանի պատասխանատու ստորաբաժանում, որն էլ սահմանված ժամկետում կապահովի աշխատանքների իրականացումը: Ուսումնական հաստատության համակարգողը կնշանակվի հարցազրույցի արդյունքում: Նոր փոփոխությամբ սահմանվում է նաև, որ վարչատնտեսական մասի համակարգողի նշանակման մրցույթի հարցազրույցին կարող են մասնակցել նաև անձնակազմի կառավարման և հանրակրթության ոլորտը համակարգող ստորաբաժանումների ղեկավարները, ինչը հնարավորություն է տալիս կանխելու լիազոր մարմնի ղեկավարի կողմից միանձնյա որոշման ընդունման դեպքերը:

Պաշտոնի նշանակման եռօրյա ժամկետ է սահմանվել՝ հաշվի առնելով գործառույթների կատարման անհետաձգելի բնույթը:

Սահմանվել են այն դեպքերը, երբ հավակնորդներին չի թույլատրվում մասնակցել հարցազրույցին:

Հայտարարության հրապարակում

Դպրոցներում վարչատնտեսական համակարգողի թափուր տեղ առաջանալու օրվանից հաշված՝ առավելագույնը 30, բայց ոչ պակաս, քան 25 աշխատանքային օր առաջ հրապարակվում է հայտարարություն՝ պետական ուսումնական հաստատու­թյան համակարգողի թափուր տեղն զբաղեցնելու նպատակով:

Լիազոր մարմինը՝ ՀՀ կրթության, գիտության, մշակույթի և սպորտի նախարարությունը, մարզպետարանը, Երևանի քաղաքա­պե­տա­րանը, համակարգողի թափուր տեղի հայտարարությունը 3 աշխատանքային օրվա ընթացքում հրապարակում է www.azdarar.am կայքում` ՀՀ կրթության, գիտության, մշակույթի և սպորտի նախարարության պաշտոնական կայքում, իսկ մարզպետարանների և Երևանի քաղաքապետարանի ենթակայության հաստատությունների դեպքում՝ նաև համապատասխան մարզպետարանի կամ Երևանի քաղաքապետարանի պաշտոնական կայքում:

Թափուր տեղը համալրելու համար հայտերն ընդունում է տվյալ լիազորված մարմնի համապատասխան ստորաբաժանումը՝ www.azdarar.am կայքում սկսած հայտա­րա­րության հրապարակման օրվանից՝ 15 աշխատանքային օրվա ընթացքում:

Պահանջվող փաստաթղթեր

Թափուր տեղը համալրելու համար հավակնորդը ներկայացնում է`

1) դիմում` լիազորված մարմնի ղեկավարի անունով՝ համաձայն N 2 ձևի.

2) անձնագրի կամ նույնականացման քարտի պատճենը (բնօրինակի հետ).

3)բարձրագույն կրթությունը հավաստող փաստաթղթի (դիպլոմի) պատճենը (բնօրինակի հետ).

4)«Հանրակրթության մասին» օրենքի 12-րդ հոդվածի 18-րդ մասի պահանջներին համապատասխան աշխատանքային ստաժը հավաստող փաստաթուղթ:

5) ինքնակենսագրություն` համաձայն N 3 ձևի:

Նշանակում

Լիազորված մարմնի ղեկավարը հավակնորդների փաստաթղթերը ստանալուց հետո՝ 5 աշխատանքային օրվա ընթացքում, անցկացնում է հարցազրույց (յուրաքանչյուր հավակնորդի հետ առանձին, նույն օրվա ընթացքում), որին կարող են մասնակցել նաև անձնակազմի կառավարման և հանրակրթության ոլորտը համակարգող ստորա­բաժանումների ղեկավարները: Հարցազրույցի դրական արդյունքի դեպքում լիազորված մարմնի ղեկավարը հավակնորդներից մեկի հետ կնքում է աշխատանքային պայմանագիր՝ 5 տարի ժամկետով:

Մասնակիցներից որևէ մեկի՝ սահմանված չափանիշներին չհամապատասխանելու, հավակնորդ չլինելու կամ հարցազրույցի արդյունքում հավակնորդներից որևէ մեկի հետ պայմանագիր չկնքելու դեպքում թափուր տեղի համալրման համար 3 աշխատանքային օրվա ընթացքում հրապարակվում է նոր հայտարարություն:

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Խնայողության մշակույթ

    Թեմայի հեղինակ՝ simonyannara25@gmail.com

    Խնայողության մշակույթի բացակայությունն է ազդում մարդկանց սոցիալական և տնտեսական բարեկեցության վրա, թե մարդկանց ցածր եկամուտներն ու երկրի սոցիալ-տնտեսական վիճակը: Խնդրում եմ գրել կարծիքներ` ի նկատի ունենալով մեր իրականությունը: Շնորհակալություն:

  • Գործողություններ բազմությունների հետ

    Թեմայի հեղինակ՝ ՄԱՄՅԱՆ Ա․

    Բազմության և նրա տարրերի հասկացությունները մաթեմատիկայում սկզբնական հասկացություններ են:Այս թեմայի ուսումնասիրության նպատակն է թվային բազմությունների հետ ծանոթացումը, բազմությունների հետ գործողություններ կատարելու հմտությունների ձևավորումը և զարգացումը, բազմությունների հատման և միավորման գաղափարի…

  • Արդյոք՞ մարդու իրավունքները չեն խախտվի, եթե անձը առաջնորդվի բարոյական նորմերով:

    Թեմայի հեղինակ՝ gayane.siradexyan

    Նորմը դա միմիյանց միջև հարաբերությունները կարգավորելու և ավելի ներդաշնակ համայնքներ ու հասարակություններ ձևավորելու նպատակով մարդկանց կողմից ստեղծված վարքագծի կանոն է: Նորմերը լինում են իրավական և բարոյական: 1. Իրավական նորմ՝ պարտադիր…

  • Ռուբրիկները՝ որպես ուսումնառության գնահատման միջոց

    Թեմայի հեղինակ՝ Lianna3

    Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…

  • Սովորողի աշխատանքի գնահատման միջոցները

    Թեմայի հեղինակ՝ Lianna3

    Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…