ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
Ապրիլի 12-ին նորից լեփ-լեցուն էր Արամուսի Վլ.Առաքելյանի անվան միջնակարգ դպրոցի դահլիճը՝ բարձրաստիճան հյուրեր,ՀՀ ՊՆ Կոտայքի տարածքային զինկոմիսարիատի և ՀՀ ՊՆ թիվ 5507 զորամասի ներկայացուցիչներ, զինվորներ, ուսուցիչներ, աշակերտներ, ծնողներ:
«Փա՛ռք ընկածներին,փա՛ռք կանգնածներին» խորագիրը կրող միջոցառում՝ նվիրված Արցախյան պատերազմին,քառօրյա մարտերին: Միջոցառումը սկսվեց Տեր Գերաշնորհ Սրբազան Հայր Վարդան Եպիսկոպոս Նավասարդյանի Օրհնությամբ:
Բոլորը մի շունչ, մի հոգի դարձած հետևում էին բեմում կատարվող իրադրաձություններին: Հնչում էր աշակերտների խոսքը, նրանցից ամեն մեկը կարծես միաձուլվել էր հերոսների հետ. նրանք Մոնթե էին, Ավո, Շահեն Մեղրյան, կամարիսցի Ազատ,արարատցի Արարատ,արամուսցի Արթուր և շատ ու շատ հերոսացած հավերժի ճամփորդներ:
Դահլիճում նստած որդեկորույս մայրերի ցավը բոլորինս էր և արտահայտվում էր ներկաների հեծկլտուքների և բեմի վրա թևաթափ թռչունի կերպարանք առած պարի միջոցով. սևազգեստ բոլոր մայրերի վիշտն էր արտահայտում «Արեգակ» պարային համույթի գեղարվեստական ղեկավար Մելինե Հարությունյանի բեմադրած պարը, ու այդ ցավն անցնում էր դահլիճում նստածների ոսկրերով և դառնում համաշխարհային ճիչ՝ «Ո'չ պատերազմին»:
Հետո արդեն ոգեկոչում էր՝ դպրոցի բակում ծածանվող 25 մետրանոց հայկական եռագույնի ծփանքի և աշակերտների շուրթերից հնչած փառերգի ներքո:
Դրվատանքի խոսքեր հնչեցին միջոցառման կազմակերպչի՝ շնորհաշատ և համեստ ՀԵՊ-ի ուսուցչուհի Սոֆյա Առաքելյանի մասին:
Միջոցառման կազմակերպիչներն էին Սոֆյա Առաքելյանը, ՄԿԱԳ տնօրենի տեղակալ Անդրեյ Փիլիպոսյանը, աշակերտական խորհրդի նախագահ՝ Մելինե Վարդանյանը:
