«ԱԺ Գավաթի» հանրապետական փուլ

Նոյեմբերի 9, 2023

Դպրոցական անցուդարձ

Նոյեմբերի 7-ից 9-ը Վանաձոր քաղաքում կայացած ՀՀ Ազգային ժողովի գավաթի խաղարկության մրցումների եզրափակիչ՝ հանրապետական փուլը,որտեղ ՀՀ 11 մարզից II պատվավոր տեղը զբաղեցրեց՝Սյունիքի մարզի հավաքական թիմը։

Մրցումների ծրագրում ընդգրկված էին հետևյալ մրցաձևերը՝ վազք 60մ բարձր մեկնարկից, վազք 500մ, թենիսի գնդակի նետում, հեռացատկ թափավազքից, ձգումներ կախ դրությունից, ձեռքերի ծալում և ուղղում պառկած հենված դրությունից՝ մարզանստարանին:

Սյունիքի հավաքական թիմը ձևավորվեց խաղարկության մարզային փուլում հաղթող ճանաչված Կապանի N 5 հիմնական (5-րդ և 6-րդ դասարան, մարզիչներ՝ Արտյոմ Պողոսյան, Սոնա Սողոմոնյան) և Գորիսի՝ Յուրի Բախշյանի անվան թիվ 3 հիմնական (4-րդ դասարան, մարզիչ՝ Աննա Աբգարյան) դպրոցների թիմերը։

Հավաքական թիմը ընդհանուր հաշվարկով զբաղեցնելով I I տեղը՝ արժանացավ գավաթի, իսկ աշակերտները ստացան մեդալներ, պատվոգրեր ու նվերներ։

Անհատական պայքարում Կապանի N 5 հիմնական դպրոցի աշակերտ Մանվել Էլոյանը 2 մրցաձևում լավագույնն էր՝ 60մ վազք բարձր մեկնարկից, 8.18 վրկ հեռացատկ թափավազքով՝ 4.60 մ արդյունքներով։

Շնորհավորում ենք մեր թիմին`մաղթելով նոր ձեռքբերումներ։

Կապանի N 5 հիմնական դպրոց