Կոմպետենտ աշակերտ կամ ճանապարհի հաջողած սկիզբ

Նոյեմբերի 21, 2023

Դպրոցական անցուդարձ

ՀՊՉ-ի արդյունավետ ներդրումը չափելի է միայն աշակերտի ցուցաբերած վերջնադյունքով և ուսուցչի ինքնակրթության կոմպետենցիայով, անշուշտ։

Վերապատրաստումից հետո, գործընկեր-մենթոր Մերի Մովսիսյանը իրականության արտացոլման նպատակով դասալսումներ կատարեց 2-րդ, 5-րդ և 7-րդ դասարաններում։

2-րդ «բ» դասարանում, մաթեմատիկայից ամփոփիչ դաս անցկացրեց Արևիկ Հայրապետյանը։ Կոմպետենտ դասվարը ցուցաբերեց համոզիչ վերջնարդյունքներ։

Տնօրենի տեղակալ Ալինա Մկրտչյանն, ով նաև մենթոր-վերապատրաստող է, հանգամանալից վերլուծեց դասի բոլոր կողմերը, հայտնեց գոհունակություն ու բավարարվածություն։

Տնօրեն Սիրանուշ Հարությունյանը ներկաներին հաղորդեց դասվարի ամենօրյա ջանասիրության ու կրեատիվ տեսակի մասին, ինչը կրթության ներկա մարտահրավերներին ինտեգրվելու գրավականն է։ Դասալսող հյուրերին հիացրել են սովորողների բնական ակտիվությունը։

Կապանի N 5 հիմնական դպրոց