Կայացել է մարդկանց թրաֆիքինգի և շահագործման դեմ պայքարի լուսաբանման ամենամյա լրագրողական մրցանակաբաշխությունը, որին մասնակցել է ՀՀ ԿԳՄՍ նախարարի տեղակալ Արթուր Մարտիրոսյանը:
Մրցույթի նպատակն է խրախուսել Հայաստանում մարդկանց թրաֆիքինգի և շահագործման դեմ պայքարի բազմակողմանի, օբյեկտիվ և արդյունավետ լուսաբանումը՝ դրանով իսկ նպաստելով մարդկանց թրաֆիքինգի և շահագործման կանխարգելմանն ուղղված ազգաբնակչության իրազեկվածության մակարդակի բարձրացմանը:
Մարդկանց թրաֆիքինգի և շահագործման դեմ պայքարի լուսաբանման ամենամյա լրագրողական մրցանակաբաշխությունն անցկացվում է հետևյալ անվանակարգերով՝ հեռուստա/ռադիո արտադրանք, տպագիր և էլեկտրոնային նյութեր:
2023 թվականին մրցույթին ներկայացվել է 11 հայտ (7 հայտ՝ հեռուստա/ռադիո արտադրանք անվանակարգում, 4 հայտ՝ տպագիր և էլեկտրոնային նյութեր անվանակարգում):
ԿԳՄՍ նախարարի տեղակալ Արթուր Մարտիրոսյանը շնորհավորել է մրցանակակիրներին՝ ընդգծելով մարդկանց թրաֆիքինգի և շահագործման դեմ պայքարում լրագրողական հանրույթի դերը՝ որպես խնդիրն արմատախիլ անելուն և կանխարգելելուն ուղղված պայքարի առաջամարտիկներ:
«ՀՀ կառավարության որոշմամբ հաստատվել է Հայաստանի Հանրապետությունում 2023-2025 թվականների ընթացքում մարդկանց թրաֆիքինգի կամ շահագործման դեմ պայքարի կազմակերպման ազգային ծրագիրը, ինչը վկայում է այն մասին, որ ոլորտը պետության ուշադրության կենտրոնում է՝ տարբեր միջոցառումների իրականացմամբ: ԿԳՄՍ նախարարությունն իրականացնում մի շարք միջոցառումներ մարդկանց շահագործման և դրա դեմ պայքարի վերաբերյալ իրազեկվածությունը բարձրացնելու և երիտասարդության շրջանում զգոնությունն արթնացնելու ուղղությամբ, որոնցից մեկն է նաև այս մրցույթը: Հատկանշական է, որ անցյալ տարվա համեմատ այս տարի ունենք մրցութային հայտերի ներկայացման համեմատաբար բարձր ցուցանիշ: Վստահ եմ՝ թրաֆիքինգի վերաբերյալ լուսաբանումներն ավելի շատ են, և ակնկալում ենք, որ հաջորդ տարիներին մրցույթին մասնակցությունը ևս կավելանա»,- ասել է Արթուր Մարտիրոսյանը: Նա հույս է հայտնել, որ լրագրողները մշտապես ուշադրության կենտրոնում կպահեն թրաֆիքինգի դեմ պայքարի թեման՝ որպես չորրորդ իշխանության կարևոր առաքելություններից մեկը՝ անկախ մրցույթներից և մրցանակներից:
ԿԳՄՍ նախարարի տեղակալ Արթուր Մարտիրոսյանը շնորհակալագրեր է հանձնել մրցույթի գնահատող հանձնաժողովի անդամներին: Նշենք, որ հանձնաժողովի կազմը հաստատվել է՝ համաձայն ՀՀ կրթության, գիտության, մշակույթի և սպորտի նախարարի և ՀՀ աշխատանքի և սոցիալական հարցերի նախարարի համատեղ հրամանով հաստատված «Մարդկանց թրաֆիքինգի և շահագործման դեմ պայքարի լուսաբանման ամենամյա լրագրողական մրցանակաբաշխության կանոնակարգի»:
Տպագիր և էլեկտրոնային նյութեր անվանակարգում հաղթող են ճանաչվել՝
1-ին տեղ՝ Արաքս Մամուլյան, «Մի օր ընկերուհուս խփեց կաթի բիդոնով, ինքը բողոքեց»,
2-րդ տեղ՝ Թագուհի Մելքոնյան, «Կենտրոնի ինքնակոչ խաչմերուկատերերին ազատազրկում է սպառնում. Հայաստանում ավելացել են մարդկանց թրաֆիքինգի դեպքերը»,
3-րդ տեղ՝ Սոնա Մարտիրոսյան, «Թրաֆիքինգը Հայաստանում․ փաստեր, թվեր, փորձագիտական գնահատական»:
Հեռուստա/ռադիո արտադրանք անվանակարգում հաղթող են ճանաչվել՝
1-ին տեղ՝ Տաթև Աբրահամյան, «Դրամաշորթություն՝ երեխաների առողջական վիճակի շահարկմամբ»,
2-րդ տեղ՝ Նարինե Սոլոմոնյան, «Մարդկանց թրաֆիքինգի դեմ պայքարի իրավական միջոցները»
3-րդ տեղ՝ Ամալյա Պապյան, «Ամուսինը ստիպում էր կնոջը զբաղվել մարմնավաճառությամբ»:
Հաղթող մասնակիցները շնորհակալություն են հայտնել մրցույթի միջոցով լրագրողական համայնքի դերը կարևորելու և համատեղ ուժերով թրաֆիքինգի դեմ պայքարելու համար:
Մրցանակաբաշխության արդյունքում հաղթող հայտերը պարգևատրվել են դրամական խրախուսմամբ՝
1-ին տեղի համար՝ 300.000 (երեք հարյուր հազար) հազար ՀՀ դրամի չափով (ներառյալ հարկերն ու տուրքերը),
2-րդ տեղի համար՝ 250.000 (երկու հարյուր հիսուն հազար) հազար ՀՀ դրամի չափով (ներառյալ հարկերն ու տուրքերը),
3-րդ տեղի համար՝ 200.000 (երկու հարյուր հազար) հազար ՀՀ դրամի չափով (ներառյալ հարկերն ու տուրքերը):
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Գնահատման տեսակները Ըստ նպատակի՝ կիրառվում է սովորողների գնահատման երեք տեսակ. 1) հայտորոշիչ գնահատում, 2) ձևավորող գնահատում, 3) ամփոփիչ գնահատում (միավորային և բնութագրող): Գնահատման տեսակները կիրառվում են գնահատման բոլոր փուլերում՝ նշված…
Հարգելի գործընկերներ,ինչպես գիտենք,ըստ նպատակի՝ կիրառվում է սովորողների գնահատման երեք տեսակ. 1) հայտորոշիչ գնահատում, 2) ձևավորող գնահատում, 3) ամփոփիչ գնահատում (միավորային և բնութագրող): Ձևավորող գնահատումն ուսումնական գործընթացի բաղադրիչ է, որի նպատակն…
Նախագծայինը ուսուցման մի մեթոդ է, որի իրականացման ընթացքում սովորողները ներգրավվում են կարճաժամկետ կամ երկարաժամկետ նախագծային աշխատանքներում, որոնք պահանջում են ուսումնական տարբեր առարկաներին առնչվող և իրական կյանքում հանդիպող խնդիրների համալիր լուծումներ:…
Տարրական դպրոցը կրթության այն հիմնաքարն է, որի որակից է կախված երեխայի հետագա ուսուցումը: Ժամանակակից կրթության նպատակների իրականացման համար դասվարի աշխատանքային գործունեության մեջ ՏՀՏ միջոցների կիրառումը անհրաժեշտություն է դառնում: Կրտսեր դպրոցականների…
«Պաշարների շտեմարան» նոր կայքում, որի գործարկման մեկնարկը https://lib.armedu.am/ հասցեում տրվեց 2022 թվականին, տեղադրվել է արդեն 18 000-ից ավելի կրթական էլեկտրոնային պաշար: Կայքում բացվել է Կրթական տեխնոլոգիաներ բաժին, որտեղ տեղադրված են…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ